الیکشن کمیشن نے مزید 93 اراکین اسمبلی کو پی ٹی آئی کا تسلیم کر لیا

اسلام آباد: الیکشن کمیشن آف پاکستان نے سپریم کورٹ کے مخصوص نشستوں کے فیصلے پر عملدرآمد کی روشنی میں پنجاب ، خیبرپختونخوا اور سندھ اسمبلی کے مزید 93 اراکین کو تحریک انصاف کا تسلیم کرلیا۔

الیکشن کمیشن آف پاکستان کی جانب سے جاری نوٹیفکیشن کے مطابق پنجاب سے سنی اتحاد کونسل کے 29، خیبرپختونخوا اسمبلی کے 58 اور سندھ اسمبلی کے 6 ارکان کو تحریک انصاف کا قرار دے دیا گیا ہے۔

الیکشن کمیشن نے 93 ارکان کو تحریک انصاف کا تسلیم کرنے کا نوٹیفکیشن بھی جاری کر دیا۔