Physical Address
304 North Cardinal St.
Dorchester Center, MA 02124
اسلام آباد: وزیراعظم شہبازشریف اور بنگلہ دیش کے چیف ایڈوائرز محمد یونس کے درمیان ٹیلیفونک رابطہ ہوا ہے۔
وزیراعظم شہبازشریف نے ٹیلی فونک رابطے میں ڈاکٹر محمد یونس کو چیف ایڈوائزر کا عہدہ سنبھالنے پر مبارکباد دی ، انہوں نے ڈاکٹر محمد یونس کے بنگلہ دیش کی سماجی و اقتصادی ترقی میں ادا کیے جانیوالے کردار کو سراہا۔
وزیراعظم نے حالیہ سیلاب سے ہونے والی تباہی پر بنگلہ دیش کی حکومت اور عوام سے ہمدردی کا اظہار کیا، وزیراعظم نے مختلف شعبوں میں تعاون بڑھانے کے ذریعے دوطرفہ تعلقات کو مزید بہتر کرنے کی اہمیت پر زور دیا۔
یاد رہے کہ اس سے قبل وزیراعظم شہبازشریف نے بنگلہ دیش کے چیف ایڈوائزر ڈاکٹر محمد یونس کو خط لکھتے ہوئے سیلابی صورت حال پر بنگلہ دیش کو مدد کی پیشکش بھی کی تھی۔
