Home سیاست پی ٹی آئی نے 8 ستمبر کے جلسے کے لئے حکمت عملی تیار کرلی

پی ٹی آئی نے 8 ستمبر کے جلسے کے لئے حکمت عملی تیار کرلی

Share
Share

 

اسلام آباد: پاکستان تحریک انصاف کی کور کمیٹی نے 8 ستمبر کو ہونے والے جلسے کے حوالے سے حکمت عملی تیار کرلی۔

چیئرمین بیرسٹر گوہر کی زیر صدارت پی ٹی آئی کی کور کمیٹی کا اجلاس ہوا جس میں ملک کی موجودہ سیاسی صورت حال، نیب ترامیم فیصلے کے بعد بشری بی بی اور بانی چیئرمین کے خلاف توشہ خانہ کیس میں درخواست دینے پر غور کیا گیا۔

ذرائع کے مطابق کور کمیٹی کے اجلاس میں کور کمیٹی نے 8 ستمبر کو ہونے والے جلسے کی حکمت عملی تیار کرلی، جس کے مطابق ملک بھر سے کارکنان اور عوام کو سنگجانی کے مقام پر لایا جائے گا۔

تحریک انصاف کی کور کمیٹی نے تمام اراکین قومی و صوبائی اسمبلی کو حلقوں سے عوام کو جمع کر کے لانے کا ٹاسک بھی دیا۔

ذرائع کے مطابق اجلاس میں عدلیہ کے حوالے سے کسی بھی قسم کے بل اور قانون سازی کی بھرپور مخالفت کرنے کا فیصلہ کیا گیا جبکہ کور کمیٹی میں نیب ترامیم کے پیش نظر بانی چئیرمین اور بشری بی بی کے کیسز کرنے کے لئے درخواست دینے کی تجویز بھی زیر غور آئی۔

کورکمیٹی اراکین نے پی ٹی آئی کے امیدوار کی کارکن میٹنگ پر پولیس کے چھاپے کی بھرپور مذمت کی اور واضح کیا کہ 8 ستمبر کو ہر حال میں سنگجانی کے مقام پر جلسہ کریں گے۔

Share
Related Articles

آزاد کشمیر قانون ساز اسمبلی کے اسپیکرچوہدری لطیف اکبر کے قافلے پر فائرنگ

مظفرآباد : مظفر آباد میں آزاد کشمیر قانون ساز اسمبلی کے اسپیکر...

جماعت اسلامی کا آئی پی پیز کے معاملے پر 29جنوری کو ملک گیر احتجاج کا اعلان

کراچی:آئی پی پیز کے معاملے پر جماعت اسلامی نے 29جنوری کو ملک...

بینچز اختیارات کیس، ایڈیشنل رجسٹرار توہین عدالت کیس کا فیصلہ کل سنایا جائے گا

اسلام آباد:بینچز اختیارات کیس سے متعلق سپریم کورٹ کے ایڈیشنل رجسٹرار کے...