Enter your email address below and subscribe to our newsletter

بانی پی ٹی آئی کی ویڈیو لنک پر حاضری نہ لگوانے پر جیل حکام کو شو کاز نوٹس جاری

Share your love

اسلام آباد:پی ٹی آئی رہنماوٴں کے خلاف آزادی مارچ کے حوالے سے درج مقدمے میں انسداد دہشتگردی عدالت نے بانی پی ٹی آئی کی ویڈیو لنک پر حاضری نہ لگوانے پر جیل حکام کو شو کاز نوٹس جاری کر دیا ۔

انسداد دہشت گردی عدالت کے جج طاہر عباس سپرا نے سماعت کی تنویر حسین علی نواز اعوان کی جانب سے حاضری سے استثنیٰ کی درخواست دائرکی گئی۔

خرم شہزاد نواز ، عامر محمود کیانی جمشید مغل عدالت کے روبرو پیش ہوئے عدالت نے استفسار کیااسد عمر آئے ہیں کہاں ہیں؟ وکیل نے بتایااسد عمر اس مقدمے سے ڈسچارج ہو چکے ہیں عدالت نے ریمارکس دیے تنویر حسین کا میڈیکل سرٹیفکیٹ درخواست کے ساتھ ساتھ لگا دیں۔

بانی پی ٹی آئی کی حاضری کے حوالے سے رپورٹ آئی ہے کہا گیا انٹر نیٹ میسر نہیں آن لائن حاضری نہیں ہو سکتی۔ گزشتہ روز بھی یہی رپورٹ آئی تھی شو کاز نوٹس جاری کیا تھا آج بھی نوٹس جاری کر رہا ہوں۔لکھوں گا نیٹ نہیں تو ذاتی حیثیت میں پیش کریں۔عدالت نے کیس کی سماعت 28 اکتوبر تک ملتوی کردی۔

Share your love

Stay informed and not overwhelmed, subscribe now!