راولپنڈی میں ڈینگی ایمرجنسی کے تحت 4 ہزار سے زائد مقدمات درج

راولپندی : راولپنڈی میں رواں سیزن میں ڈینگی ایمرجنسی کے تحت 4 ہزار سے زائد مقدمات درج کیے گئے۔

اس حوالے سے ڈپٹی کمشنر کا کہنا ہے کہ انسداد ڈینگی مہم کے دوران 3 ہزار کے قریب عمارتوں کو سیل کیا گیا۔

انہوں نے کہا کہ انسداد ڈینگی ایس او پیز کی خلاف ورزی پر 1 کروڑ 90 لاکھ روپے سے زائد جرمانہ کیا گیا۔

ڈی سی کا کہنا ہے کہ تعلیمی اداروں میں ڈینگی آگاہی کے خصوصی سیمینارز منعقد کیے جا رہے ہیں۔

ڈپٹی کمشنر نے یہ بھی کہا کہ ڈینگی سے متاثرہ علاقوں میں ٹیمیں 24 گھنٹے کام کر رہی ہیں۔