فیصل چوہدری کو بانی پی ٹی آئی کے تمام کیسز سے الگ کر دیا گیا

اسلام آباد:پاکستان تحریک انصاف نے فیصل چوہدری کو اپنی لیگل ٹیم سے الگ کردیا، انہیں بانی پی ٹی آئی کے تمام کیسز سے بھی الگ کر دیا گیا۔

ذرائع پی ٹی آئی کے مطابق فیصل چوہدری کو پی ٹی آئی وکلاء کے واٹس ایپ گروپس سے نکال دیا گیا ہے، فیصل چوہدری اور انتظار پنجوتھا چند رہنماؤں کی پارٹی میں واپسی کیلئے کوشاں تھے۔

ذرائع کا کہنا ہے کہ ڈی چوک احتجاج سے متعلق فیصل چوہدری نے بانی پی ٹی آئی کو شکایت لگائی، فیصل چوہدری اور انتظار پنجوتھا مشاورت کے بغیر ملاقاتوں پر کام کر رہے تھے۔