لگتا ہے حکومت کو مذاکرات میں کوئی دلچسپی نہیں ،عمرایوب

پشاور :پاکستان تحریک انصاف کے رہنما عمر ایوب کا کہنا ہے کہ ہم کسی سے ڈرنے والے نہیں ہیں لگتا ہے حکومت کو مذاکرات میں کوئی دلچسپی نہیں ہے۔

پشاور ہائی کورٹ کے باہر میڈیا سے گفتگو کرتے ہوئے عمر ایوب نے کہا کہ ہم نے کسی کے پاس نہیں جانا، کسی نے مذاکرات کرنے ہیں تو کریں نہیں تو نہ کریں۔

عمر ایوب کا کہنا ہے کہ ہم کسی سے ڈرنے والے نہیں ہیں، مذکراتی کمیٹی بانی پی ٹی آئی نے تشکیل دی ہوئی ہے۔

انہوں نے کہا کہ بانی پی ٹی آئی کے القادر ٹرسٹ کیس میں کل دیر تک عدالت میں سماعت جاری رہی۔

ان کا مزید کہنا ہے کہ عدالت کا وقت 3 یا 4 بجے تک ہے، سوال یہ ہے کیوں اتنی دیر تک سماعت جاری رہی۔

عمر ایوب نے کہا کہ پی ٹی آئی کے کارکنان کو گنجائش سے زیادہ جیلوں میں رکھا ہوا ہے۔