اسلام آباد:پاکستان تحریک انصاف نے سویلینز کے خلاف ملٹری کورٹس کے سزاوں کا فیصلہ مسترد کردیاقومی اسمبلی میں قائد د حزب اختلاف عمر ایوب نے کہاہے کہ فوجی عدالتوں کی جانب سے پی ٹی آئی کے زیر حراست افراد کے خلاف سنائی گئی سزائیں انصاف کے اصولوں کے منافی ہیں زیر حراست افراد عام شہری ہیں اور ان پر فوجی عدالتوں میں مقدمہ نہیں چلایا جا سکتا۔
ملٹری کورٹس سے سزاوٴں کے اعلان پر پاکستان تحریک انصاف کا رد عمل آگیا۔ایک ٹویٹ میں پی ٹی آئی رہنماء واپوزیشن لیڈر عمرایوب نے کہاہے کہ فوجی عدالت سے سویلینز کے خلاف سزاوٴں کو مسترد کرتے ہیں،فوجی عدالتوں کی جانب سے پی ٹی آئی کے زیر حراست افراد کے خلاف سنائی گئی سزائیں انصاف کے اصولوں کے منافی ہیں۔ زیر حراست افراد عام شہری ہیں اور ان پر فوجی عدالتوں میں مقدمہ نہیں چلایا جا سکتا۔
انہوں نے کہا کہ فوجی عدالتیں جو عام شہریوں کو سزائیں سناتی ہیں بنیادی طور پر کینگرو عدالتیں ہیں۔ فوجی عدالتیں قانونی طور پر ریاست کی عدالتی طاقت کی شراکت دار نہیں ہو سکتیں۔ مسلح افواج ریاست کے انتظامی اختیار کا حصہ ہیں ایسی عدالتوں کا قیام عام شہریوں سمیت عدلیہ کی آزادی کے خلاف ہے ایسے فیصلوں سے آئین کی بنیادی خصوصیت طاقت کی تقسیم کی نفی ہوئی ہے۔
