کرسٹیانو رونالڈو کی ماورہ حسین کو نئے سال کی مبارک باد،اداکارہ نے اسکرین شاٹ شیئر کر دیا

کراچی :پاکستانی معروف اداکارہ ماورہ حسین نے سوشل میڈیا پر انکشاف کیا ہے کہ پرتگالی اسٹار کرسٹیانو رونالڈو نے بھی انہیں نئے سال کی مبارک باد دی ہے۔
اداکارہ نے اپنے انسٹاگرام اکاوٴنٹ پر ایک اسکرین شاٹ شیئر کیا ہے جس میں فٹ بالر کرسٹیانو رونالڈو کا میسج دیکھا جا سکتا ہے۔
میسیج میں کرسٹیانو رونالڈو نے ماورہ حسین کو نئے سال 2025ء کی آمد پر مبارک باد دی ہے۔
اداکارہ ماورہ حسین نے اس اسکرین شاٹ پر خوشی کا اظہار کرتے ہوئے لکھا ہے کہ ’سال بن گیا ہے۔
انسٹا گرام اسٹوری پر شیئر کیے گئے اسکرین شاٹ میں دیکھا جا سکتا ہے کہ ماورہ نے فٹ بالر کرسٹیانو رونالڈو کو ٹیگ بھی کیا ہے۔