برطانیہ میں گھڑیاں ایک گھنٹہ آگے کردی گئیں

لندن:برطانیہ میں آج سے برٹش سمر ٹائم کا آغاز ہو گیا جس کے تحت گھڑیاں ایک گھنٹہ آگے کردی گئی ہیں۔

برطانوی میڈیا کے مطابق سمر ٹائم کے دوران برطانیہ اور پاکستان کے درمیان وقت کا فرق 4 گھنٹے رہے گا۔

سمر ٹائم کے آغاز کا مقصد دن کی روشنی سے زیادہ سے زیادہ فائدہ اٹھانا ہے، برٹش سمر ٹائم اکتوبر کے آ خری اتوار تک چلے گا۔

خیال رہے کہ ہر سال برطانیہ میں توانائی کی بچت اور سورج کی روشنی سے بھرپور فائدہ اٹھانے کے لیے گھڑیاں ایک گھنٹہ آگے کی جاتی ہیں۔