راولپنڈی:پاک فوج کے شعبہ تعلقات عامہ (آئی ایس آر) کے ڈائریکٹر جنرل (ڈی جی) میجر جنرل احمد شریف چوہدری کی بھارتی کشیدگی کے معاملے پر اہم پریس کانفرنس جاری ہے، ان کا کہنا ہے کہ بھارت پاکستان میں دہشت گردی پھیلا رہا ہے۔
اسلام آباد میں پریس بریفنگ کے دوران میجر جنرل احمد شریف نے کہا کہ بھارت پاکستان میں دہشت گردی پھیلارہا ہے اور پاکستان پر بے بنیاد الزامات عائد کررہا ہے، حال ہی میں چار بھارتی دہشت گردوں کی شناخت ہوئی ہے جو پاکستان میں ٹیرر فنانسنگ اور ٹیررازم میں ملوث ہیں۔
ڈی جی آئی ایس پی آر نے کہا کہ جہلم بس اسٹینڈ سے ڈھائی کلو گرام کا بم برآمد ہوا، پاکستان میں دہشت گردی کرنے والے بھارتی ہینڈلرز کی واٹس ایپ چیٹ پکڑی گئی ہیں جن کا فرانزک جاری ہے۔ اس موقع پر انہوں ںے یہ وائس میسجز شرکا کو سنائیں جن میں دہشت گردی فنانسنگ سے متعلق بات کررہے تھے، شہریوں کے قتل عام کی بات کررہے تھے۔
ڈی جی آئی ایس پی آر نے کہا کہ دہشت گردوں کے ہینڈلر کا نام سکھوندر ہے جو بھارتی فوج میں صوبے دار ہے، بھارتی ساختہ ڈرون پکڑا گیا جس سے دس لاکھ روپے برآمد ہوئے، ان وائسز میں بھارتی میجر خود کہہ رہا ہے کہ ہم لاہور تک کام کررہے ہیں، یہ را نہیں کہہ رہی یہ بھارتی آرمی کہہ رہی ہے، یہ ٹیرر فنانسنگ کی ایک مثال ہے ایسے متعدد واقعات ہیں۔
