برطانیہ نے اسرائیل کے ساتھ نئی فری ٹریڈ ڈیل معطل کر دی

لندن:برطانیہ نے اسرائیل کے ساتھ نئی فری ٹریڈ ڈیل معطل کر دی۔
غیرملکی خبررساں ادارے کے مطابق برطانوی وزیر خارجہ ڈیوڈلیمی نے اعلان کیا ہے کہ اسرائیلی سفیر کو فری ٹریڈ ڈیل معطلی سے آگاہ کرنے کیلئے طلب کر لیا ہے۔
انہوں نے کہا غزہ میں لاکھوں شہریوں پر بھوک کا خطرہ منڈلا رہا ہے جو مکروہ عمل ہے۔ غزہ میں 11 ہفتوں سے انسانی امداد کی ناکہ بندی ظالمانہ ہے۔
برطانوی وزیر خارجہ ڈیوڈ لیمی کا کہنا تھا کہ اسرائیلی وزیراعظم نیتن یاہو اب یہ سب ختم کریں، اسرائیل کا امداد روکنا اور شراکت داروں کے خدشات کو مسترد کرنا ناقابل دفاع ہے۔
خیال رہے کہ برطانیہ، فرانس اور کینڈا نے اسرائیل کو متنبہ کیا تھا کہ انسانی امداد روکی تو ٹھوس اقدامات کیے جائیں گے۔