اسلام آباد:سپریم کورٹ آف پاکستان نے سزائے موت کی 238 اپیلیں نمٹا دیں نمٹائے گئے مقدمات 454 زیر التوا مقدمات کا 52 فیصد سے زائد بنتے ہے۔
اعلامیہ کے مطابق سزائے موت کے مقدمات کیلئے 3 بینچز تشکیل دیئے گئے تھے جسٹس اطہر من اللہ کی سربراہی میں جسٹس عرفان سعادت خان اور جسٹس ملک شہزاد احمد خان شامل تھے، دوسرے بینچ میں جسٹس محمد ہاشم خان کاکڑ کی سربراہی میں جسٹس اشتیاق ابراہیم اور جسٹس علی باقر نجفی شامل تھے، تیسرے بینچ میں جسٹس نعیم اختر افغان کی سربراہی میں جسٹس صلاح الدین پنہور اور جسٹس عامر فاروق شامل تھے۔
اعلامیہ میں بتایاگیاہے کہ تینوں بینچز کے جج صاحبان نے معمول کے اوقات سے بڑھ کر مقدمات کی سماعت کی، ججز کی محنت کے نتیجے میں 2024 تک دائر ہونے والی سزائے موت کی تمام اپیلیں نمٹا دی گئیں، عدالت عظمیٰ اگلے مرحلے میں عمر قید کے مقدمات کی سماعت کرے گی، ان اپیلوں کو ترجیح دی جائے گی جن میں مجرم دو تہائی سزا کاٹ چکے ہیں۔
