اسلام آباد:کینیڈین سفارتی وفد نے پاسپورٹس اینڈ امیگریشن ہیڈکوارٹرز کا دورہ کیا۔سفارتی وفد نے پاسپورٹس کی بروقت ترسیل اور بیک لاگ کے خاتمے میں ڈی جی پاسپورٹس کی خدمات کو سراہا ۔ڈی جی پاسپورٹس مصطفی جمال قاضی نے کہا کہ نئی پرنٹنگ صلاحیت کے بعد پاسپورٹس کی دنیا بھر میں بروقت فراہمی جاری ہے۔
ڈی جی امیگریشن اینڈ پاسپورٹس مصطفی جمال قاضی نے وفد کا استقبال کیاکینیڈین وفد نے نئے سٹیٹ آف دی آرٹ جدید پروڈکشن یونٹ کا وزٹ کیاسفارتی وفد کو ای پاسپورٹس اور ایم آر پی پاسپورٹس پرنٹرز کے بارے میں بریفنگ دی گئی ۔
ڈی جی پاسپورٹس نے کہا کہ نئی پرنٹنگ صلاحیت کے بعد پاسپورٹس کی دنیا بھر میں بروقت فراہمی جاری ہے، نئے پرنٹرز میں پاسپورٹس میں جدید سیکورٹی فیچرز بھی متعارف کروائے گئے ہیں۔وفد کی جانب سے جدید پاسپورٹ پرنٹنگ میں سیکورٹی فیچرز میں دلچسپی کااظہارکیا۔
سفارتی وفد نے پاسپورٹس کی بروقت ترسیل اور بیک لاگ کے خاتمے میں ڈی جی پاسپورٹس کی خدمات کو سراہا ۔کینیڈین سفارتی وفد میں مسٹر جوشوا میلڈنبرگر اور مس روزلین لیمائر کیڈئکس شامل تھے ۔ملاقات میں دو طرفہ تعلقات اور دیگر امور پر بھی تبادلہ خیال کیا گیا۔ڈی جی پاسپورٹس کی جانب سے سفارتی وفد کو اعزازی شیلڈز بھی پیش کی گئیں۔
