اردن: پاکستانی نوجوان بانو بٹ نے ایشیائی جوجِتسو چیمپئن شپ 2025 میں بھارتی حریف رِچا شرما کو شکست دے کر طلائی تمغہ جیت لیا ہے۔ یہ چیمپئن شپ 23 سے 25 مئی تک اردن میں منعقد ہوئی، جہاں پاکستان کو یہ تاریخی فتح حاصل ہوئی۔
بانو بٹ کی رِچا شرما پر یہ کامیابی نہ صرف کھیل میں بلکہ خطے میں پاکستان کی برتری کا منہ بولتا ثبوت ہے۔ پاکستانی ٹیم نے اس ایونٹ میں ایک سونا اور متعدد کانسی کے تمغے اپنے نام کیے۔
اس فتح کو نوجوان نسل کے عزم، محنت اور بلند حوصلے کی روشن مثال قرار دیا جا رہا ہے۔ بانو بٹ جیسے پرعزم نوجوان عالمی سطح پر پاکستان کا نام روشن کر رہے ہیں۔ کھیل، تعلیم اور ٹیکنالوجی میں پاکستانی نوجوان مسلسل دنیا کو اپنی صلاحیتوں کا قائل کر رہے ہیں۔
