وزیراعظم محمد شہباز شریف پاکستان، ترکیہ اور آذربائیجان کے سہ فریقی اجلاس میں شرکت کے لیے آذربائیجان کے شہر لاچین پہنچ گئے ہیں۔
لاچین ایئرپورٹ پر آذربائیجان کے وزیر خارجہ جیہون بیراموف، پاکستانی سفیر قاسم محی الدین اور دیگر سفارتی عملے نے وزیراعظم کا پرتپاک استقبال کیا۔وزیراعظم شہباز شریف ترکیہ کے صدر رجب طیب ایردوان اور آذربائیجان کے صدر الہام علییوف کے ہمراہ اس اہم اجلاس میں حصہ لیں گے۔
اس کے علاوہ، وزیراعظم پاکستان آذربائیجان کے صدر سے دوطرفہ ملاقات بھی کریں گے۔نائب وزیراعظم و وزیر خارجہ محمد اسحاق ڈار ، وفاقی وزیر اطلاعات و نشریات عطاء اللہ تارڑ اور وزیراعظم کے معاون خصوصی طارق فاطمی بھی وزیراعظم کے ہمراہ ہیں۔
