ڈھاکہ:بنگلہ دیش کی سپریم کورٹ نے جماعت اسلامی کے رہنما اظہر الاسلام کی سزائے موت کو کالعدم قرار دے دیا ہے اور انہیں تمام الزامات سے بری کر دیا ہے۔ اظہر الاسلام کو 2019 میں 1971 کی جنگ کے دوران انسانیت کے خلاف جرائم کے الزام میں سزائے موت سنائی گئی تھی، جبکہ وہ 2012 سے قید میں تھے۔
عدالت نے ان کی اپیل منظور کرتے ہوئے کہا کہ ان کے خلاف کوئی ٹھوس شواہد پیش نہیں کیے گئے اور الزامات ثابت نہیں ہو سکے۔ یہ فیصلہ بنگلہ دیش میں 1971 کی جنگ کے مقدمات میں ایک اہم تبدیلی کا باعث ہے، کیونکہ اس سے قبل تمام سزائے موت کے فیصلے برقرار رہے تھے۔
