ایلون مسک نے صدر ٹرمپ کو بتائے بغیر مشاورتی عہدہ چھوڑ دیا

واشنگٹن: دنیا کے امیر ترین شخص اور ٹیسلا، اسپیس ایکس، اور سوشل میڈیا پلیٹ فارم “ایکس” کے مالک ایلون مسک نے ٹرمپ انتظامیہ کو خاموشی سے خیر باد کہہ دیا ہے۔ وہ امریکی حکومت کے ایک اہم ادارے محکمہ برائے حکومتی کارکردگی (DOGE) میں خصوصی مشیر کی حیثیت سے کام کر رہے تھے۔

وائٹ ہاؤس ذرائع نے تصدیق کی ہے کہ ایلون مسک نے صدر ڈونلڈ ٹرمپ کو اطلاع دیے بغیر اپنا عہدہ چھوڑ دیا ہے۔ ان کا تقرر 130 دن کے لیے کیا گیا تھا، جو آج یعنی 30 مئی کو مکمل ہونا تھا، مگر انہوں نے دو دن قبل ہی استعفیٰ دے دیا۔

ایلون مسک نے ایکس (X) پر اپنے بیان میں کہا: “خصوصی سرکاری ملازم کے طور پر میری مدت مکمل ہو چکی ہے۔ میں صدر ٹرمپ کا شکر گزار ہوں کہ مجھے فضول اخراجات میں کمی لانے کا موقع دیا۔ DOGE مشن وقت کے ساتھ مزید مستحکم ہوگا۔”