نائب وزیراعظم اسحاق ڈار اور برطانوی وزیر خارجہ ڈیوڈ لیمی کا ٹیلیفونک رابطہ، کثیرالجہتی تعاون پر گفتگو

اسلام آباد: پاکستان کے نائب وزیراعظم اور وزیر خارجہ محمد اسحاق ڈار اور برطانیہ کے وزیر خارجہ ڈیوڈ لیمی کے درمیان ٹیلیفونک رابطہ ہوا ہے۔

ترجمان دفتر خارجہ کے مطابق، دونوں رہنماؤں نے اقوام متحدہ کی سلامتی کونسل سمیت کثیرالجہتی سطح پر دوطرفہ تعاون کے حوالے سے تبادلہ خیال کیا۔ اس موقع پر دونوں وزرائے خارجہ نے قریبی رابطے میں رہنے پر اتفاق کیا۔

علاوہ ازیں، اسحاق ڈار اور ڈیوڈ لیمی نے رواں ماہ نیویارک میں اقوام متحدہ میں ہونے والے اجلاسوں کے دوران ملاقات پر بھی اتفاق کیا۔