اسلام آباد: پاکستان سے سرکاری عازمین حج کو سعودی عرب پہنچانے کے لیے جاری فلائٹ آپریشن کامیابی سے مکمل ہو گیا ہے۔ پاکستان انٹرنیشنل ایئر لائنز (پی آئی اے) کی آخری پرواز پی کے 795، 307 عازمین حج کو لے کر جدہ پہنچ گئی۔
سرکاری حج سکیم کے تحت کل 88 ہزار 260 عازمین حجاز مقدس پہنچ چکے ہیں۔ جبکہ نجی سکیم کے تحت 22 ہزار سے زائد عازمین بھی سعودی عرب پہنچ چکے ہیں۔
وفاقی وزیر مذہبی امور سردار محمد یوسف نے عازمین حج کی تیاریوں کا جائزہ لینے کے لیے منیٰ کا دورہ کیا اور وہاں فراہم کی جانے والی سہولیات کا تفصیلی جائزہ لیا۔
اس موقع پر پی ٹی وی نیوز سے گفتگو کرتے ہوئے وفاقی وزیر نے اطمینان کا اظہار کیا کہ حج کے تمام انتظامات مکمل ہیں۔ انہوں نے پاکستانی عازمین حج سے اپیل کی کہ وہ مناسک حج کی ادائیگی کے دوران سعودی قوانین کی پابندی کو یقینی بنائیں۔
