بھارت میں مسافر طیارہ رہائشی علاقے میں گر کر تباہ،ہلاکتوں کاخدشہ

احمد آباد: بھارتی ریاست گجرات کے احمد آباد ایئرپورٹ کے قریب ایک طیارہ حادثے کا شکار ہو گیا، حادثہ طیارے کی ٹیک آف کے دوران پیش آیا۔
متعدد بھارتی میڈیا رپورٹس کے مطابق یہ ایئر انڈیا کا طیارہ تھا، طیارے میں 250 افراد سوار تھے جبکہ مسافروں کی تعداد کے حوالے سے متضاد اطلاعات ہیں تاہم حکام کی جانب سے کوئی باضابطہ تصدیق نہیں کی گئی۔
حادثے کے فوراً بعد منظرعام پر آنے والی ویڈیوز میں تباہ شدہ طیارے کے حصوں سے دھواں اٹھتا ہوا دیکھا جا سکتا ہے، جائے وقوعہ پر ایمرجنسی سروسز فوری طور پر پہنچ گئیں جن میں فائر ٹینڈرز بھی شامل تھے۔
ابھی تک کسی جانی نقصان یا زخمیوں سے متعلق معلومات جاری نہیں کی گئی ہیں اور نہ ہی حکام کی جانب سے حادثے کی وجوہات پر کوئی سرکاری بیان سامنے آیا ہے تاہم مزید تفصیلات کا انتظار کیا جا رہا ہے۔