سابق وزیراعظم نواز شریف کا بھارت میں طیارہ حادثے پر اظہار افسوس

لاہور:سابق وزیرِ اعظم اور صدر مسلم لیگ ن میاں نواز شریف نے بھارت میں طیارہ حادثے پر افسوس کا اظہارکیا ہے۔
جاری کیے گئے بیان میں نواز شریف نے طیارہ حادثے میں قیمتی جانوں کے ضیاع پر متاثرہ خاندانوں سے ہمدردی کا اظہار کیا۔ان کا کہنا ہے کہ یہ المناک سانحہ سرحدوں سے بالاتر ہو کر ہماری مشترکہ انسانیت کا احساس دلاتا ہے۔
سابق وزیرِ اعظم نواز شریف نے طیارہ حادثے پر بھارتی وزیرِ اعظم نریندر مودی اور بھارتی عوام سے تعزیت کا اظہار بھی کیا ہے۔
خیال رہے کہ بھارتی ریاست گجرات کے شہر احمد آباد میں مسافر طیارہ گر کر تباہ ہو گیا جس کے نتیجے طیارے میں سوار تمام 242 افراد ہلاک ہو گئے۔