سینیٹر اسحاق ڈار کا مصر ی وزیر خارجہ سے ٹیلی فونک رابطہ، ایران کے خلاف اسرائیلی جارحیت ،بگڑتی ہوئی علاقائی صورتحال پر اظہار تشویش

اسلام آباد:نائب وزیراعظم اور وزیر خارجہ سینیٹر اسحاق ڈار کا مصر کے وزیر خارجہ بدر عبدالعاطی سے ٹیلی فونک رابطہ ہوا جس میں ایران کے خلاف اسرائیل کی بلا جواز جارحیت پر تبادلہ خیال کیاگیا۔
ترجمان دفترخارجہ کے مطابق نائب وزیراعظم اور وزیر خارجہ اسحاق ڈار کی مصر کے وزیر خارجہ بدر عبدالعاطی کے ساتھ ٹیلی فونک گفتگو کے دوران دونوں رہنماوٴں نے ایران کے خلاف اسرائیل کی بلا جواز جارحیت پر بات چیت کی ۔
ٹیلی فونک رابطے کے دوران دونوں رہنماوٴں نےبگڑتی ہوئی علاقائی صورتحال پر گہری تشویش کا اظہار کیا ۔
ترجمان دفترخارجہ کے مطابق دونوں رہنماوٴں نے خطے اور اس سے باہر امن و استحکام کو برقرار رکھنے کے لیے مل کر کام کرنے کے عزم کا اعادہ کیا۔