آئی سی سی ویمنز ٹی ٹوئنٹی ورلڈ کپ 2026 کے شیڈول کا اعلان کردیا گیا ہے۔ میگا ایونٹ آئندہ سال12 جون سے انگلینڈ میں کھیلا جائے گا۔
آئی سی سی خواتین ٹی 20ورلڈ کپ کے دسویں ایڈیشن کے33میچز انگلینڈ کے 7وینیوز پر کھیلے جائیں گے۔ا افتتاحی میچ میزبان انگلینڈ اور سری لنکا کے درمیان ایجبسٹن میں ہوگا۔
عالمی ایونٹ میں پاکستان آسٹریلیا، جنوبی افریقہ، بھارت اور دو کوالیفائر ٹیموں کے ساتھ گروپ ون میں ہے۔پاکستان اپنا پہلا میچ14 جون کو روایتی حریف بھارت کے خلاف ایجبسٹن میں کھیلے گا۔ٹی ٹوئنٹی ورلڈ کپ کا پہلا سیمی فائنل 30 جون جبکہ دوسرا سیمی فائنل 2جولائی کو ہوگا۔ دونوں میچز اوول کرکٹ گراؤنڈ میں کھیلے جائیں گے۔میگاایونٹ کا فائنل5 جولائی کو لارڈز میں کھیلا جائے گا۔
