واشنگٹن: امریکی صدر ٹرمپ آئندہ 2 ہفتوں کے اندر ایران پر حملے سے متعلق فیصلہ کریں گے۔
وائٹ ہاؤس کی ترجمان کیرولین لیوٹ نے بریفنگ میں بتایا کہ ایران کے ساتھ ممکنہ مذاکرات کے امکانات کے پیشِ نظر، صدر ٹرمپ نے پیغام دیا ہے کہ وہ آئندہ 2 ہفتوں میں فیصلہ کریں گے کہ امریکا کو اس تنازع میں شریک ہونا چاہیے یا نہیں۔ترجمان نے کہا امریکہ اس تنازع کے تمام پہلوؤں پر گہری نظر رکھے ہوئے ہے اور صدر ٹرمپ اپنی قومی سلامتی کونسل سے مسلسل اطلاعات حاصل کر رہے ہیں۔اس سے قبل امریکی صدر نے ایران پر حملےکے منصوبےکی منظوری کی خبر کو مسترد کر دیا تھا۔
روس نے امریکہ کو ایک بار پھر خبردار کیا ہے کہ وہ اسرائیل کی ایران کے خلاف شروع کی گئی جنگ میں شامل نہ ہو ۔ روس کی طرف سے یہ انتباہ اس وقت کیا گیا ہے جب امریکہ کے اس جنگ میں شامل ہونے کے بارے میں مختلف خبریں اور موقف پیش کیے جارہے ہیں۔
