تہران:ایران کے وزیر خارجہ نے کہا ہے کہ اسرائیل جارحیت روک دے تو ایران کا بھی جوابی کارروائی کا کوئی ارادہ نہیں ۔عباس عراقچی نے مزید کہا کہ ایران کی طرف سے فوجی کارروائیاں روکنے کا حتمی فیصلہ بعد میں کیا جائے گا۔
سوشل میڈیا پر جاری اپنے ایک بیان میں ایرانی وزیر خارجہ نے کہا کہ بارہاواضح کرچکے ہیں کہ ہم نے نہیں بلکہ اسرائیل نے جنگ شروع کی ہے ۔عباس عراقچی نے کہا دشمن کے ہرحملے کا آخری لمحے تک جواب دیا۔اسرائیل کو سزاکاعمل صبح چار بجے تک جاری رہا ۔
عباس عراقچی نے ایرانی قوم کی جانب سے اپنی بہادر مسلح افواج کا شکریہ ادا کیا اور کہا وطن عزیز کا دفاع کرنیوالے اپنے خون کا آخری قطرہ قربان کرنے والوں کو سلام ہے جو دشمن کے ہر حملے کا آخری لمحے تک جواب دیتی ہیں۔
