اسلام آباد:وزیراعظم محمد شہبازشریف نے صدر ڈونلڈ ٹرمپ، امریکی انتظامیہ اورعوام کو حکومت پاکستان اور عوام کی جانب سے امریکی یوم آزادی پر مبارکبادپیش کی ہے ۔
سوشل میڈیاپلیٹ فارم”ایکس” پراپنے تہنیتی پیغام میں وزیراعظم نے کہا کہ پاکستان کے عوام اور حکومت کی طرف سے صدر ڈونلڈ ٹرمپ، امریکی انتظامیہ اور ریاستہائے متحدہ امریکہ کے عوام کو ان کے یوم آزادی کے موقع پر دلی مبارکباد پیش کرتے ہیں ۔
وزیراعظم نے کہا کہ پاکستان امریکہ کے ساتھ اپنی طویل المدتی شراکت داری کو بہت قدر کی نگاہ سے دیکھتا ہے اور مستقبل میں دو طرفہ تعلقات کو مزید مضبوط بنانے کے عزم کا اعادہ کرتا ہے۔
انہوں نے مزید کہا کہ پاکستانی امریکی برادری پر بھی فخر ہے جو دونوں ممالک کے درمیان ایک اہم پل کا کردار ادا کر رہی ہے۔
