اسلام آباد :گورنر خیبرپختونخوا فیصل کریم کنڈی نے جمعیت علمائے اسلام کے سربراہ مولانا فضل الرحمان سے انکی رہائش گاہ پر ملاقات کی ۔
سابق وزیر اعلی اور جے یو آئی کے رہنماء اکرم خان درانی ، سابق وفاقی وزیر ،پیپلز پارٹی کے مرکزی رہنماء خورشید شاہ، سید طاہر علی شاہ ، سابق وفاقی وزیر مولانا اسعد محمود ،سابق ڈپٹی اسپیکر زاہد اکرم درانی ،خیبرپختونخوا میں جمعیت علمائے اسلام کے رہنماء مولانا لطف الرحمان،صاحبزادہ اسجد محمود بھی اس موقع پر موجود تھے ۔
ملاقات میں خیبرپختونخوا کی سیاسی صورتحال ، سینیٹ انتخابات میں مشترکہ حکمت عملی ، صوبہ میں امن و امان کی ابتر صورتحال ، کرپشن، بدعنوانیوں سمیت صوبائی حقوق اور ضم شدہ اضلاع کے باسیوں میں پائے جانے والے احساس محرومی پر تبادلہ خیال کیا گیا۔
