اسلام آباد:امریکی صدر ڈونلڈ ٹرمپ کا رواں سال ستمبر کے تیسرے ہفتے میں بھارت میں منعقد ہونے والی کواڈ کانفرنس میں شرکت کے موقع پر دورہ پاکستان کاامکان ہے۔
ذرائع کے مطابق امریکی صدر ٹرمپ کے دورہ پاکستان کے پیش نظر تیاریاں شروع کردی گئی ہیں۔ذرائع کا کہنا ہے کہ امریکی صدر ڈونلڈ ٹرمپ رواں سال ستمبر کے تیسرے ہفتے ہیں بھارت میں منعقد ہونے والی کواڈکانفرنس میں شرکت کے موقع پر چند گھنٹوں کے لئے پاکستان کا دورہ کرسکتے ہیں ۔
اس حوالے سے سینئر سیاستدان اور سابق سینیٹر مشاہد حسین سید کاکہناہے کہ میرے پاس ایسی اطلاعات ہیں امریکی صدرٹرمپ چند گھنٹے کے لئے پاکستان کا دورہ کریں گے۔
ذرائع کے مطابق امریکہ، بھارت، جاپان اور آسٹریلیا پر مشتمل کواڈ گروپ کی کانفرنس رواں سال ستمبر میں متوقع ہے ۔جس میں امریکی صدر ڈونلڈ ٹرمپ شریک ہوں گے اس موقع امریکی صدرٹرمپ کے دورہ پاکستان کابھی امکان ہے۔
