اسلام آباد میں مسلسل بارش، راول ڈیم کی سطح بلند، سپل ویز کھولنے کا امکان

اسلام آباد:جڑواں شہروں میں جاری مسلسل بارش کے باعث راول ڈیم میں پانی کی سطح میں نمایاں اضافہ دیکھنے میں آیا ہے۔ مون سون سیزن کے دوران ڈیم میں 10 فٹ تک پانی کا اضافہ ریکارڈ کیا گیا ہے۔
ڈیم حکام کے مطابق راول ڈیم میں پانی ذخیرہ کرنے کی کل گنجائش 1752 فٹ ہے، جبکہ اس وقت پانی کی سطح 1747 فٹ سے تجاوز کر چکی ہے۔
حکام نے بتایا ہے کہ اگر بارشوں کا سلسلہ اسی طرح جاری رہا تو ڈیم کے سپل ویز کھولے جا سکتے ہیں تاکہ اضافی پانی کو کنٹرول کیا جا سکے اور حفاظتی اقدامات بروقت ممکن بنائے جا سکیں۔
شہریوں کو ہدایت کی گئی ہے کہ وہ موسم اور پانی کی صورتحال سے باخبر رہیں اور متعلقہ اداروں کی ہدایات پر عمل کریں۔