راولپنڈی :سیکیورٹی فورسز کے بلوچستان کے ضلع ژوب کے علاقے سمبازہ میں دو روز سے جاری آپریشن کے دوران، مزید چودہ بھارتی سپانسرڈ خوارج مارے گئے، سیکیورٹی فورسز کی کامیاب آپریشنز کے دوران مارے گئے خوارج کی تعداد 47 ہوگئی، سیکیورٹی فورسز ملکی سرحدوں کو محفوظ بنانے کے لئے پرعزم ہیں۔
آئی ایس پی آر کے مطابق سیکیورٹی فورسز نے 7 اور 8 اگست کو بلوچستان کے ضلع ڑوب کے علاقے سمبازہ میں کامیاب کارروائی کی تھی، جس کے دوران پاک افغان سرحد سے دراندازی کی ناکام کوشش کرنے والے 33 خوارج مارے گئے تھے۔
آئی ایس پی آر کاکہناہے کہ سمبازہ کے گرد و نواح کے علاقوں میں جاری کلیئرنس آپریشن کے دوران، چودہ مزید بھارتی سپانسرڈ خوارج مارے گئے، ہلاک ہونے والے خوارج سے اسلحہ، گولہ بارود اور دھماکہ خیز مواد بھی برآمد ہوا، دو روز میں آپریشن میں ہلاک خوارج کی تعداد 47 ہوگئی ہے۔
سیکیورٹی فورسز ملک کی سرحدوں کو محفوظ بنانے اور پاکستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لئے پرعزم ہیں۔
