اسلام آباد:بھارتی جیل میں قیدکشمیری حریت رہنما محمد یاسین ملک کی تیرہ سالہ بیٹی رضیہ سلطان نے عالمی برادری سے اپنی اپیل میں کہا ہے کہ ان کے والد یاسین ملک کو منظم سازش کے تحت جعلی مقدمے میں پھانسی کی سزا دی گئی ہے ۔
اپنی اپیل میں رضیہ سلطان نے چین،امریکہ اورانسانی حقوق کی تنظیموں کو مخاطب کرتے ہوئے کہا ہے کہ ان کے والد کو بھارتی وزیراعظم نریندر مودی نے جعلی الزامات پر کینگرو کورٹ سے سزا دلوائی ہے ۔انہوں نے کہا کہ یاسین ملک کشمیر کی خود ارادیت کی جدوجہد میں ایک اہم آواز ہیں اور وہ قلیل عرصے سے بھارتی حکام کے نشانے پر ہیں ۔
انہوں نے کہا کہ ان کو ایک ایسے عدالتی عمل سے موت کی سزا سنائی گئی ہے جو کہ وسیع پیمانے پر غیر شفاف اور غیر قانونی ٹرائل ہے ۔عالمی برادری فوری طور پر اس معاملے کا نوٹس لیکر یاسین ملک کی رہائی ممکن بنائے۔کیامہذب دنیا کا ضمیر اپنےبے گناہ والد کے لیے انصاف مانگنے والی اس معصوم بچی کی آواز کا نوٹس لے گا؟۔
