لاہور: انسداد دہشت گردی عدالت نے جج کی سیکیورٹی اسکواڈ کی گاڑی جلانے کے مقدمے کا فیصلہ سنا دیا۔
لاہور: انسداد دہشت گردی عدالت لاہور نے جج کے اسکواڈ کی گاڑی جلانے کے مقدمہ میں فیصلہ سنا دیا۔ فیصلہ انسداد دہشت گردی عدالت کے جج منظر علی گل نے سنایا۔
عدالت نے مقدمے میں سابق وزیر خارجہ شاہ محمود قریشی کو واقعے میں موجودگی ثابت نہ ہونے پر بری کر دیا، جبکہ تحریک انصاف کی رہنما ڈاکٹر یاسمین راشد، اعجاز چوہدری، میاں محمود الرشید اور سابق گورنر پنجاب عمر سرفراز چیمہ کو دس دس سال قید کی سزا سنا دی۔
یہ مقدمہ تھانہ سرور روڈ میں ایف آئی آر نمبر 109/23 کے تحت درج کیا گیا تھا، جس میں کل 51 ملزمان کا چالان عدالت میں پیش کیا گیا۔ عدالت نے 39 ملزمان کا ٹرائل مکمل کر کے فیصلہ سنا دیا، جبکہ 12 ملزمان کو اشتہاری قرار دیا جا چکا ہے۔
مقدمے میں پانچ خواتین ملزمان بھی شامل تھیں۔عدالت نے خدیجہ شاہ کو پانچ سال قید کی سزا سنا ئی ہے ۔ حساس نوعیت کے پیشِ نظر مقدمے کا ٹرائل جیل میں مکمل کیا گیا۔
