دبئی: مینز ٹی 20 ایشیا کپ کے دوسرے میچ میں بھارت نے باآسانی متحدہ عرب امارات کو 9 وکٹوں سے شکست دیدی۔
بھارت نے یو اے ای کی جانب سے ملنے والا 58 رنز کاہدف 4.3 اوورز میں ایک وکٹ کے نقصان پر با آسانی حاصل کرلیا، بھارت کی جانب سے ابیشیک شرما 30 رنز بناکر آؤٹ ہوئے جبکہ شبمن گل 20 اور سوریاکمار یادیو 7 رنز کیساتھ ناقابل شکست رہے۔
قبل ازیں دبئی انٹرنیشنل کرکٹ سٹیڈیم میں ہونیوالے ایونٹ کے دوسرے میچ میں بھارتی کرکٹ ٹیم کے کپتان شبمن گل نے ٹاس جیت کر یو اے ای کو پہلے بیٹنگ کی دعوت دی ہے۔
تاہم پہلے بیٹنگ کرتے ہوئے یو اے ای کی پوری ٹیم 13.1 اوورز میں 57 رنز بناکر پویلین لوٹ گئی، یو اے ای کی جانب سے علیشان شرافو 22 اور کپتان محمد وسیم 19 رنز بناکر آؤٹ ہوئے جبکہ دیگر کوئی کھلاڑی ڈبل فگر میں داخل نہ ہوسکا۔
بھارت کی جانب سے کلدیپ یادیو نے 4 اور شیوام دوبے نے 3 وکٹیں حاصل کیں۔
ایشیا کپ کے میچز پی ٹی وی سپورٹس ایچ ڈی پر براہ راست دکھائے جارہے ہیں ۔
