قطر کے وزیراعظم شیخ محمد بن عبدالرحمان الثانی آج امریکی صدر ڈونلڈ ٹرمپ سے ملاقات کررہے ہیں ۔ملاقات میں غزہ جنگ بندی معاہدے اور یرغمالیوں کی رہائی پر تبادلہ خیال کیا جائے گا ۔
غیر ملکی خبر ایجنسی کے مطابق قطر کے وزیراعظم امریکی صدر ٹرمپ کے علاوہ اعلیٰ امریکی حکومتی شخصیات سے بھی ملاقاتیں کریں گے۔ وزیراعظم قطر کی نائب صدر جے ڈی وینس، وزیر خارجہ مارکو روبیو اور نمائندہ خصوصی اسٹیو وٹکوف کے ساتھ بھی ملاقاتیں متوقع ہیں۔ ملاقاتوں میں اسرائیلی حملے اور یرغمالیوں کی رہائی کے معاہدے کی موجودہ صورت حال پر تبادلہ خیال کیا جائے گا۔
