روس کی دوحہ پراسرائیلی حملے کی شدید مذمت

روس نے قطر کے دارالحکومت دوحہ پر اسرائیلی حملے کی شدید مذمت کرتے ہوئے فریقین سے اپیل کی ہے کہ وہ ایسے اقدامات سے گریز کریں جس سے اسرائیل فلسطین تنازعہ مزید بڑھ جائے۔

برطانوی خبر رساں ادارے رائٹرز کے مطابق کہ روسی وزیر خارجہ سرگئی لاوروف نے قطر کے وزیر اعظم شیخ محمد بن عبدالرحمٰن الثانی کے ساتھ ٹیلی فونک گفتگو میں اس حملے کو بین الاقوامی قانون کی خلاف ورزی قرار دیا۔روسی وزیر خارجہ نے کہا کہ اس بات کا خطرہ ہے کہ اسرائیلی اقدامات مشرق وسطیٰ میں مزید عدم استحکام کا باعث بن سکتے ہیں ۔