لاہور: لاہور میں کھیلے گئے تیسرے اور آخری ون ڈے میچ میں پاکستان ویمن ٹیم نے جنوبی افریقہ ویمن ٹیم کو 6 وکٹوں سے شکست دے دی۔ تاہم، تین میچز پر مشتمل یہ سیریز جنوبی افریقہ نے 1-2 سے اپنے نام کر لی۔
جنوبی افریقہ کی ویمن ٹیم پہلے بیٹنگ کرتے ہوئے صرف 25.5 اوورز میں 115 رنز بنا کر پویلین لوٹ گئی۔ پاکستان کی جانب سے اسپنر نشرہ سندھو نے تباہ کن بولنگ کرتے ہوئے 26 رنز کے عوض 6 کھلاڑیوں کو آؤٹ کیا۔
اس شاندار کارکردگی کے ساتھ ہی نشرہ سندھو نے ون ڈے انٹرنیشنل کرکٹ میں اپنی 100 وکٹیں مکمل کر لیں، وہ یہ کارنامہ انجام دینے والی پاکستان کی تیسری ویمن کرکٹر بن گئیں۔ ان سے قبل ثنا میر اور ندا ڈار بھی 100 سے زائد ون ڈے وکٹیں حاصل کر چکی ہیں۔
پاکستان ویمن نے 31اوورز میں4وکٹوں پر 116رنز کا ہدف حاصل کرلیا۔سدرہ امین 50رنز پر ناٹ آؤٹ رہیں جبکہ منیبہ علی نے 44رنزبنائے ۔
