اسلام آباد: نائب وزیرِ اعظم و وزیرِ خارجہ سینیٹر محمد اسحاق ڈار اور ایران کے وزیرِ خارجہ سید عباس عراقچی کے درمیان ٹیلی فونک رابطہ ہوا جس میں علاقائی صورتحال، امن اور سلامتی کے فروغ کے لیے جاری سفارتی کوششوں پر گفتگوکی گئی ۔
ترجمان دفترخارجہ کے مطابق دونوں وزرائے خارجہ نے پاکستان اور ایران کے برادرانہ تعلقات کا جائزہ لیا اور علاقائی صورتحال پر تبادلہ خیال کیا۔ انہوں نے امن اور سلامتی کے فروغ کے لیے جاری سفارتی کوششوں پر بھی بات چیت کی۔
دونوں رہنماوں نے دوطرفہ تعاون کو مزید مضبوط کرنے کے عزم کا اعادہ کیا اور کثیر الجہتی فورمز پر مل کر کام کرنے پر بھی اتفاق کیا۔
