مظفرآباد: آزاد جموں و کشمیر کے 78ویں یومِ تاسیس کے موقع پر مظفرآباد میں یادگارِ شہداء پر سلامی کی خصوصی تقریب کا انعقاد کیا گیا۔
تقریب میں جنرل آفیسر کمانڈنگ مری نے یادگارِ شہداء پر پھولوں کی چادر چڑھائی، فاتحہ خوانی کی اور شہداء کو خراجِ عقیدت پیش کیا۔ اس موقع پر سول و عسکری حکام، عوامی نمائندگان اور مختلف طبقہ ہائے فکر سے تعلق رکھنے والے افراد کی بڑی تعداد نے شرکت کی۔
تقریب میں یومِ تاسیس کے موقع پر اس عہد کی تجدید بھی کی گئی کہ پاکستان اور کشمیر کا رشتہ دلوں کا رشتہ ہے اور یہ رشتہ ایمان، محبت اور مشترکہ جدوجہد کی بنیاد پر ہمیشہ قائم و دائم رہے گا۔
