امریکہ اور جاپان کے درمیان نایاب اور اہم معدنیات کی فراہمی کا معاہدہ طے پاگیا ہے ۔ غیر ملکی میڈیا کے مطابق امریکی صدر ٹرمپ اور جاپان کی نو منتخب وزیراعظم سنائے تاکائچی کے درمیان ٹوکیو میں ملاقات ہوئی جہاں دونوں رہنماؤں نے معدنیات کی فراہمی کے معاہدے پر دستخط کیے۔
اس موقع پر ٹرمپ نے کہا کہ امریکا کو جاپان کے فوجی سازو سامان کے آرڈر موصول ہو گئے ہیں۔امریکا اور جاپان کے درمیان تجارتی معاہدہ بہت ہی منصفانہ ہے ۔ ٹرمپ کے دورہ جاپان میں دونوں ممالک کے درمیان تجارت اور سکیورٹی معاملات پر بھی بات چیت ہو گی جب کہ جہاز سازی، سویا بین اور گیس بھی ایجنڈے میں شامل ہے
