دوحہ: وفاقی وزیر خزانہ محمد اورنگزیب نے کہاہے کہ پاکستان اقتصادی استحکام کے حصول میں کامیابی سے آگے بڑھ رہا ہے۔
دوحہ فورم کی 23 ویں ایڈیشن میں وفاقی وزیر خزانہ محمد اورنگزیب نے پینل سیشن سے خطاب کرتے ہوئے وزیرخزانہ نے کہا کہ ملک میں ٹیکس، توانائی، سرکاری اداروں اور نجی شعبے کی ترقی کے لیے اصلاحات کی جا رہی ہیں۔
انہوں نے کہا کہ اصلاحات سے ملکی برآمدات میں اضافہ ہو ا ہے،آئی ٹی خدمات کی برآمدات رواں سال 4 ارب امریکی ڈالر تک پہنچنے کی توقع ہے۔
دوسری جانب وزیر خزانہ محمد اورنگزیب نے قطر ی ہم منصب علی بن احمد الکواری سےدوحہ میں ملاقات کی۔ملاقات میں دونوں ممالک کے درمیان اقتصادی تعلقات کو مزید مستحکم کرنے کے حوالے سے بات چیت کی گئی۔
دونوں رہنماؤں نے خلیج–پاکستان فری ٹریڈ ایگریمنٹ کی تکمیل کے بعد ، تجارتی شعبے کے فروغ اور توانائی کے شعبے میں تعاون بڑھانےپر اتفاق کیا۔
