دوبئی:دوبئی حکومت نے پاکستان کے اولمپئن ارشد ندیم کو پہلے ورلڈ سپورٹس سمٹ میں شرکت کی باضابطہ دعوت دی ہے۔
ارشد ندیم عالمی سپورٹس ایونٹ میں پاکستان کے واحد نمائندے ہوں گے جو کہ ملک کے لیے اعزاز کی بات ہے۔ ورلڈ سپورٹس سمٹ میں دنیا بھر کے ممتاز کھلاڑی، سپورٹس لیڈرز اور عالمی شخصیات شرکت کریں گی۔
اس موقع پر ارشد ندیم کو دوبئی کی رائل فیملی کی جانب سے، ورلڈ سپورٹس سمٹ کے اشتراک سے ایک خصوصی اعزاز سے بھی نوازا جائے گا جو ان کی شاندار کارکردگی اور عالمی سطح پر پاکستان کا نام روشن کرنے کا اعتراف ہے۔
