اسلام آباد:وزیراعظم محمد شہباز شریف نے برفباری سے متاثر برزل پاس میں کلیئرنس آپریشن کے دوران سنو سلائیڈنگ کے نتیجے میں جام شہادت نوش کرنے والے پاک فوج کے کیپٹن اصمد، سپاہی رضوان اور سویلین مشین آپریٹر عیسیٰ کو خراج عقیدت پیش کیاہے ۔
اپنے پیغام میں وزیراعظم نے شہداء کی بلندی درجات کی دعاکی اور شہداء کے اہل خانہ سے اظہار تعزیت کیا۔
وزیراعظم محمدشہبازشریف نے کہا کہ شہداء نے اپنی جان کی پرواہ نہ کرتے ہوئے برفباری سے متاثر برزل پاس کھولنے کا کام جاری رکھا اور آمدورفت یقینی بنانے میں اپنا کردار ادا کیا ۔انہوں نے کہا کہ قوم شہداء کو سلام پیش کرتی ہے۔
