کولمبو:قومی ٹی ٹونٹی ٹیم کے کپتان سلمان علی آغا نے کہا ہے کہ بھارت کے خلاف میچ سے متعلق فیصلہ حکومت کا ہے اور ہم اس فیصلے کا احترام کرتے ہیں ۔،بنگلہ دیش کے ورلڈکپ میں نہ ہونے کا افسوس ہے۔
کولمبو میں کپتانوں کی نیوز کانفرنس کے دوران سلمان علی آغا نے کہا کہ بطور کپتان یہ میرا پہلا ورلڈکپ ہے، جس کے لیے میں بہت پُرجوش ہوں اور امید ہے کہ ٹیم اچھا کھیل پیش کرے گی۔
انہوں نے کہا کہ گزشتہ چھ ماہ سے ٹیم اچھی کرکٹ کھیل رہی ہے۔ اُمید ہے کہ نتائج بھی اچھے ہوں گے۔سلمان علی آغا نے کہا کہ سری لنکا ان کے لیے دوسرے گھر کی طرح ہے اور جب بھی یہاں کرکٹ کھیلی ہے، اچھا محسوس ہوا ہے۔
