کابل:طالبان رجیم عالمی تنہائی کا شکار ہوگئی، افغان پاسپورٹ دنیا بھر میں کمزور ترین قرار دے دیا گیا۔طالبان رجیم کی آمریت، نااہلی اور دہشتگردی کی سرپرستی نے افغان شہریوں پر دنیا کے دروازے بند کر دیے ہیں۔ افغان طالبان رجیم میں افغانستان عالمی تنہائی، معاشی بحرانوں سمیت دہشتگردی کا مرکز بن چکا ہے۔
معروف عالمی نیوز ایجنسی گلف نیوز کے مطابق مستند کی ہینلے پاسپورٹ انڈیکس رینکنگ نے افغان پاسپورٹ دنیا بھر میں کمزور ترین قرار دے دیا۔ہینلے پاسپورٹ انڈیکس میں افغان پاسپورٹ 101 کی پست ترین درجہ بندی پر آگیا۔ گلف نیوز کے مطابق افغانستان کے پاسپورٹ کی کمزور درجہ بندی کا گہرا تعلق بدترین سفارتی تعلقات، بدانتظامی اور سکیورٹی خطرات سے ہے۔
رپورٹ کے مطابق افغانستان واحد ملک ہے جس کے پاسپورٹ کے حامل افراد صرف 25 ممالک کا سفر کر سکتے ہیں۔ ماہرین کا کہنا ہے کہ افغان طالبان کی انتہاء پسندانہ پالیسیاں افغان شہریوں کی سلامتی سمیت خطے کے لیے بھی خطرات کا باعث بن رہی ہیں۔افغان پاسپورٹ کا دنیا میں سب سے کمزور ہونا طالبان رجیم کی ناکام خارجہ پالیسی اور سفارتی تنہائی کی واضح مثال قرار دیا جا رہا ہے۔
