راولپنڈی:پاکستان سپر لیگ کے 11ویں ایڈیشن میں شامل نئی فرنچائز راولپنڈی نے اپنی ٹیم کے نام کا اعلان کر دیا۔
راولپنڈی فرنچائز کی جانب سے ٹیم کا نام’پنڈیز’ رکھا گیا۔ٹیم کے نام کا اعلان سوشل میڈیا پر جاری ویڈیو کے ذریعے کیا گیا۔ویڈیو کے کیپشن میں لکھا گیا کہ راولپنڈی ٹیم کا باضابطہ نام ‘PINDIZ’ سامنے آ گیا ہے۔ ہم نڈر ہیں، ہم چیلنج دینے آئے ہیں، ہم نیا جوش لے کر آ رہے ہیں اور ہم کھیل کو بدلنے آ رہے ہیں۔
25سیکنڈز کےویڈیو کلپ میں شہر کے معروف مقامات کو اُجاگر کیا گیا ، جبکہ بیک گراؤنڈ میں ولولہ انگیز موسیقی چلتی رہی۔پی ایس ایل کی ٹیم ملتان سلطانز کی نیلامی میں ولی ٹیک نے 2 ارب 45 کروڑ روپے میں فرنچائز خریدی تھی تاہم مالکان نے ٹیم کیلئے شہر کا نام ملتان سے بدل کر راولپنڈی رکھا تھا ۔
