سعودی عرب کی جانب سے خلیجی ممالک پر ایرانی حملوں کی شدید مذمت

ریاض :سعودی عرب کی جانب سے خلیجی ممالک پر ایرانی حملوں کی شدید مذمت کی گئی ہے۔
اس حوالے سے سعودی وزارتِ خارجہ کا کہنا ہے کہ سعودی عرب، خلیج تعاون کونسل کے ممالک اور دوست ریاستوں کے خلاف حملوں کی مذمت کرتے ہیں۔
سعودی وزارتِ خارجہ نے کہا ہے کہ ایرانی کارروائیوں کو کسی بھی صورت قابلِ قبول یا جائز قرار نہیں دیا جا سکتا۔
دوسری جانب سعودی وزارتِ دفاع نے بتایا ہے کہ جوف ریجن میں ڈرون حملے کو ناکام بنا دیا ہے۔
ادھر متحدہ عرب امارات میں الفجیرہ میں آئل انڈسٹری زون میں آگ بھڑک اٹھی۔
اماراتی حکام کے مطابق آگ ڈرون کا ملبے گرنے کے باعث لگی، تاہم انڈسٹری زون کی سرگرمیاں متاثر نہیں ہوئیں۔