الیکشن ایکٹ کے سیکشن 57 اور 58 میں ترمیم کی منظوری

اسلام آباد:وفاقی کابینہ کی کمیٹی برائے قانون سازی نے الیکشن ایکٹ کے سیکشن 57 اور 58 میں ترمیم کی منظوری دی.

ذرائع کے مطابق الیکشن ایکٹ میں مجوزہ ترمیم کے تحت الیکشن ایکٹ کی سیکشن 57،58میں موجود ابہام کو ختم کرنے کیلئے دونوں شقوں کو آئین کے تابع کرنے کا فیصلہ کیا گیا ۔

جس کے تحت قومی اسمبلی تحلیل ہونے یاپورے ملک میں ایک ساتھ انتخابات کی صورت میں انتخابات کی تاریخ الیکشن کمیشن کی مشاورت سے صدر مملکت جبکہ صوبائی اسمبلیوں کی تحلیل پر گورنر الیکشن کمیشن کی مشاورت سے پولنگ کی تاریخ کا اعلان کرنے کے پابند ہونگے ۔

منظور شدہ ترمیم کا مسودہ کابینہ کے آئندہ اجلاس میں پیش کیا جائے گا۔