لاہور: چیئرمین تحریک انصاف عمران خان کی حراست کے خلاف لبرٹی میں مظاہرے کے دوران گرفتار ہونے والی خاتون کو شوہر کے انتقال کے بعد پنجاب کی نگران حکومت نے دو بیٹیوں سمیت رہا کرنے کا فیصلہ کیا ہے۔
نگران وزیراعلیٰ پنجاب محسن نقوی نے ایڈیشنل چیف سیکرٹری داخلہ کو خاتون اور بیٹیوں کو جلد قانونی کارروائی مکمل کرتے ہی رہا کرنے کی ہدایت کردی ہے۔
ذرائع کے مطابق ضروری کارروائی مکمل کرکے خاتون اور بیٹیوں کو آج ہی رہا کیا جانے کا امکان ہے۔
یاد رہے کہ مظاہرے کے دوران خاتون اور ان کی دو بیٹیوں کو پولیس نے حراست میں لیا تھا۔
