راولپنڈی: راولپنڈی میں سابق وفاقی وزیر داخلہ شیخ رشید احمد کی رہشگاہ لال حویلی پر پولیس نے چھاپا مارا ہے، شیخ رشید اور ان کے بھتیجے سابق ایم این اے شیخ راشد شفیق لال حویلی میں موجود نہیں تھے، پولیس نے مختلف حصوں کی تلاشی لی۔
لال حویلی ذرائع سے حاصل ہونے والی سی سی ٹی وی فوٹیج میں دیکھا جاسکتا ہے کہ پولیس کی نفری ایلیٹ کمانڈوز کے ساتھ لال حویلی میں داخل ہوتی ہے۔
لال حویلی میں قائم سیاسی بیٹھک اور مختلف حصوں کی تلاشی لی گی لیکن سابق وزیرداخلہ اور شیخ راشد شفیق حویلی پر موجود نہیں تھے جس کی وجہ سے پولیس خالی ہاتھ واپس لوٹ گئی۔
پولیس ذرائع کا کہنا تھا کہ عمران خان کی گرفتاری کے بعد راولپنڈی کے پرتشدد مظاہروں میں شیخ رشید کے بھتیجے شیخ راشد بھی ملوث تھے جن پر مقدمہ بھی درج ہے۔
